Şadyýan tomus — 2026
17.07.2026
“Garaşsyz, baky Bitarap Türkmenistan — bedew batly at-myradyň mekany” diýlip yglan edilen ýylymyzda çagalaryň tomusky dynç alyş möwsümi dowam edýär. Şu möwsümde okuwçy ýaşlaryň sagaldyş we dynç alyş merkezlerinde kemsiz dynç alyp, wagtlaryny gyzykly geçirmekleri ugrunda yzygiderli alada edilýär.
Çagalaryň tomusky dynç alyş möwsümi biziň etrabymyzda-da guramaçylykly ýola goýulýar. Bu möhüm mesele babatda geňeşimiz tarapyndan degerli işler durmuşa geçirilýär. Etrabymyzdan çagalary Gökderedäki “Beýik Serdaryň ruhubelent nesilleri” we “Awaza” milli syýahatçylyk zolagyndaky “Daýanç” çagalar sagaldyş we dynç alyş merkezlerine ugratmak guramaçylykly alnyp barylýar. Nobatdaky tapgyrda Gökderedäki “Beýik Serdaryň ruhubelent nesilleri” sagaldyş we dynç alyş merkezine çagalaryň 26-sy, Awazadaky “Daýanç” çagalar sagaldyş we dynç alyş merkezine 45-si ugradyldy. Bu merkezlerde okuwçy ýaşlaryň gowy dynç alyp, wagtlaryny hoş geçirmekleri üçin ähli mümkinçilikler döredilip, çagalarda ýatdan çykmajak täsir galdyrýar.
Muhammetberdi KUŞIÝEW.
Türkmenistanyň ylym we bilim
işgärleriniň kärdeşler arkalaşyklarynyň ilkinji guramalarynyň başlyklarynyň Baýramaly etrap geňeşiniň başlygy.
